MENU
Главная » 2018 » Ноябрь » 19 » Баай Байанай киэһэтэ
15:25:00
Баай Байанай киэһэтэ

     Байанай ыйыгар анаан кыһыҥҥы сынньалаҥ кэмигэр үгэс буолбут “Баай Байанай” күрэх Токо орто оскуолатын иһинэн сылын аайы ыытылар. Күрэх сүрүн сыалынан уол оҕо эт-хаан өттүнэн кыаҕын, булчут буолар үөрүйэҕин сайыннарыы, оҕону айылҕаҕа, сиэргэ-туомҥа сыһыарыы буолар.

      Биһиги оскуолабыт алын кылаас үөрэнээччилэригэр “Баай Байанай” күрэх буолан ааста. 1-4 кылаас уолаттара “Баай Байанай” күрэххэ кыттаары, хоту дойду дьонун сиэринэн анаан-минээн оҥостон-тэринэн,  кэллилээр. 20  уол оҕо, 8 аҕа буолан,  оскуола актовай саалатыгар муһуннулар.  Кэлбит дьон уонна биһиги ытык кырдьаҕаспыт Валерий Иванович буолан бары аан айылҕабытыгар сүгүрүйэн, арыылаах алаадьынан күндүлээн, Баай Байанайы «мүчүк» гынарыгар көрдөстүбүт.

     Ол кэннэ оттубут кутаабыт тула сылаас, сымнаҕас тирии тэллэххэ олорон булт сиэрин-туомун туһунан кэпсээн иһиттибит. Ити кэннэ икки хамаанданнан кэтэспит тэрээһиммит  түһүмэхтэринэн күрэхтэһии буолла. Уолан киһи күүс эрэ өттүнэн буолбакка, өй-билии өттүнэн эмиэ бэлэмнээх буолуохтаах, онон сиэттэрэн  уол оҕолорго булт тэрилин, Саха сиригэр баар кыыл –сүүл  аатын билиигэ, кыыл-көтөр суолун араарарга күрэх ыытылынна.     

     

    Аҕалар бу күрэххэ бэйэлэрин сымса сатабылларын көрдөрдүлэр – бириэмэҕэ хапкаан ииттилэр уонна воздушка сааннан  сыал ыттылар.

        Кыайыылаах хамаандалар агошкола анал бириистэринэн  наҕарадаланнылар. Ини таһынан уруһуй күрэҕин түмүгүн кыайыылаахтарын грамотаннан уонна минньигэс призтарынан наҕараадалааһын буолла. Кырачаан уруһуйдьуттарбыт үлэлэрэ аактабай саалабытын киэргэппитигэр махтанабыт. Бу оонньууга,  аҕаларбытыгар, кэлэн хаһыс да сылын тэрээһиммитин өйүүллэрин иһин, күүс-көмө буолалларын иһин барҕа махталбытын тиэрдэбит.

 

Оҕо сүүрээнин салайааччыта -  Чердонова Е.В.

 

.

Просмотров: 21 | Добавил: school_tokko | Рейтинг: 0.0/0