MENU
Главная » 2015 » Декабрь » 1 » Байанай ыйыгар анаммыт тэрээһиннэр.
15:10:09
Байанай ыйыгар анаммыт тэрээһиннэр.

     Саха дьонугар сэтинньи ый – Байанай ыйа. Ол чэрчитинэн биһиги алын кылаас оҕолоругар сэтинньи 25 күнүгэр «Байанайдаах булчуттар» диэн бэртээхэй күрэх буолан ааста. Бу күрэхпит биэс түһүмэхтээх ыытылынна, кырачаан уолаттарбыт, кыргыттарбыт аҕаларынаан кэлэннэр кыттыыны ыллылар. Бастакы түһүмэх « Булугас өй» оҕолор аҕаларынаан ким төһө элбэх ат сыарҕатын тэрилин  суруйбут. Сытыы өй, билии-көрүү манна билиннэ. Салгыы иккис түһүмэх « Саамай сымса» аҕалар оҕолорун көхсүлэригэр сүүгэйдээн оскуолабыт биир уһугуттан, биир уһугар диэри сүүрдүлэр. Үһүс түһүмэх « Бастыҥ сонордьут» кыыллар-көтөрдөр суолларын таайыы эмиэ биир интэриэһинэй түһүмэх буолла.  Төрдүһүнэн « Кыраҕы харах» бу түһүмэххэ оҕолор сыаллара диэн мээчиктэри анал иһиккэ киллэрээһин, аҕалар үстүү дротигы быраҕан ким элбэх очкону ылар диэн. Күрэхпит  бүтэһик түһүмэҕэ «Байанайдаах балыксыттар» манна уол аҕатынаан ким элбэх балыгы хаптарбыт ол байанайдаах балыксыттар буолалларын туоһулуур. Дьүүллүүр сүбэ быһаарыытынан  « Байанайдаах булчуттар» үрдүк аатын сүктүлэр 4б кылаас үөрэнээччитэ Маргарита  Титова аҕатынаан Алексей Анатольевичтыын. Иккис миэстэҕэ 3б кылаас үөрэнээччитэ Эдуард Чердонов аҕатынаан Константин Гавриловичтыын, Үһүс миэстэҕэ тигистилэр Виталий Агеев 3б аҕатынаан Семен Барашковтыын, Синильга Михайлова 2кыл. аҕатынаан Иннокентий Михайловичтыын. Маны таһынан кыттыыны ылбыт оҕолорбут Валентин Власов 1 кылаас, Марат Корнилов 2 кылаас, Нюргун Сидоров 4а кылаас уонна кинилэр аҕалара Иван Иванович, Николай Васильевич, Дмитрий Петрович.

Оҕолор уонна аҕалар олус астынан, үөрэн-көтөн дьиэлэстилэр. Ити курдук аҕаларбыт Байанай ыйыгар анаммыт  бэртээхэй тэрээһинҥэ кэлэн кыттыбыттарыгар  мин кинилэргэ махтанабын!!!  

 

 

                                             ОДД -    Лилия Афанасьева.  Сэтинньи 30 күнэ.

Просмотров: 499 | Добавил: school_tokko | Рейтинг: 0.0/0