MENU
Главная » 2015 » Февраль » 16 » КУОЛУ
16:30:16
КУОЛУ

      Олунньу ый 13 күнүгэр сурук – бичик күнүн көрсө I Нөөрүктээйи орто оскуолатыгар “Куолу – 2015” оройуоннааҕы араатардар күрэхтэрэ буолан ааста. Бу күрэххэ биһиги оскуолабытыттан аҕыс оҕо кытынна: Худаева Таня 11 “б”, Ананьева Аина 9 “а”, Нарахаева Лиза 9 “а”, Алексеева Кристина 9 “а” (сал.Николаева Алена Кимовна); Печетова Алена 10 “б”, Мыреева Ангелина 9 “б”, Соколова Белла 9 “б”, Яковлева Лена 8 “а” (сал.Сергеева Лена Владимировна). Быйылгы күрэххэ араас оскуолалартан барыта 50 – ча оҕо күөн көрүстэ. “Куолу” күрэх үс түһүмэхтэн турар: бастакы түһүмэххэ оҕолор эрдэттэн бэлэмнэммит тиэмэлэригэр санааларын этиилэрэ, иккискэ тыл суолтатын быһаарыы, үһүс түһүмэххэ бастакы икки түһүмэххэ үрдүк бааллаахтар тахсан тута тардан ылбыт тиэмэлэригэр санааны атастаһыылара буолар. Биһиги оҕолорбут бары бастакы түһүмэҕи эрэллээхтик ааспыттара. Үһүс түһүмэххэ биһигиттэн биэс оҕо киирбитэ. Күрэх түмүгүнэн орто сүһүөх кылаастарга Лена Яковлева эрэллээхтик бастаан “Бастыҥ куолуһут - 2015” ааты сүктэ. Үрдүкү кылаастарга 3 номинацияттан икки номинациятын эмиэ биһиги оҕолорбут ыллылар, ол курдук Ангелина Мыреева “Хомоҕой тыллаах”, Алена Печетова “Айар алыптаах” ааты сүгэн кыайыы өрөгөйүн биллилэр. Бу курдук ситиһиилээх, араас оҕолрдуун билсэн, I Нөөрүктээйи  оскуолатын көрөн күрэхтэн астынан, дуоһуйан кэллибит. 

Просмотров: 431 | Добавил: school_tokko | Рейтинг: 0.0/0