MENU
Главная » 2013 » Март » 11 » “Куолу - 2013”
14:38:58
“Куолу - 2013”

Олунньу ый 28 күнүгэр Кыыллаах орто оскуолатыгар "Куолу - 2013” оройуоннааҕы араатардар күрэхтэрэ буолан ааста.

Бу күрэххэ биһиги оскуолабытыттан алта оҕо кытынна: Худаева Таня, Корнилова Эльза, Степанова Саяна – 9 "б” кылаас үөрэнээччилэрэ, "Дебат” куруһуок чилиэннэрэ; Корнилова Диана 10 "а”; Ананьева Аина 7 "а”; Мыреева Ангелина 7 "б” кылаас үөрэнээччилэрэ.

Салайааччы – Сергеева Лена Владимировна, саха тылын уонна литературатын учуутала.

Быйылгы күрэххэ араас оскуолалартан барыта 50 – ча оҕо күөн көрүстэ. "Куолу” күрэх үс түһүмэхтэн турар: бастакы түһүмэххэ оҕолор эрдэттэн бэлэмнэммит тиэмэлэригэр санааларын этиилэрэ, иккискэ тыл суолтатын быһаарыы, үһүс түһүмэххэ бастакы икки түһүмэххэ үрдүк бааллаахтар тахсан тута тардан ылбыт тиэмэлэригэр санааны атастаһыылара буолар. Биһиги оҕолорбут "Уу – олох төрдө”, "Саха тылын сарсыҥҥыта”, "Ийэ – дьиэ кэргэҥҥэ оруола”, "Саха – айылҕа оҕото”, "Сэрии ыар дуораана”, "Мин бастыҥ доҕорум” диэн тиэмэлэринэн бастакы түһүмэҕи эрэллээхтик ааспыттара.

Дьүүллүүр сүбэ үһүс түһүмэххэ 20 кыттааччыны талбытыттан, 5 – һэ биһиги оскуолабыт оҕолоро. Күрэх түмүгүнэн алта анал ааты иҥэрбиттэриттэн иккитин биһиги үөрэнээччилэрбит ыллылар. Ол курдук: Мыреева Ангелина "Хомоҕой тыллаах”, Худаева Таня "Уус тыллаах” буоллулар. Бу курдук ситиһиилээх, араас оҕолрдуун билсэн, Кыыллаах оскуолатын көрөн күрэхтэн астынан, дуоһуйан кэллибит. 

 

Просмотров: 1001 | Добавил: school_tokko | Рейтинг: 0.0/0