MENU
Главная » 2014 » Ноябрь » 12 » «Сырдык түгэн» ырыа күрэҕэ
16:04:34
«Сырдык түгэн» ырыа күрэҕэ

       Алтыньы ый 17 күнүгэр биһиги оскуолабытыгар, кыыс куоларбытыгар анаан «Сырдык түгэн» ырыа күрэҕэ буолан ааста. Бу күрэхпит үс түһүмэхтэн турда: Бастакытынан – тас көстүү (таҥаһа). Иккиһинэн – сыанаҕа туттуу ирдэбилэ. Үсүһүнэн - ырыа матыыбын сөпкө туттуу. Күрэхпитигэр алта кыыс кыттыыны ыллылар. Морохоева Сардаана 4 “а”, Соколова Маритэ 4 “б”, Чердонова Туйаара 8 “б”, Ефремова Алёна 9 “а”, Соколова Бэлла 9 “б”, Вишнёвая Вета 11 “а”, үөрэнээччилэрэ. Кыргыттарбыт олус үчүгэй бэлэмнээх буоланнар күрэхпит үрдүк таһымнаахтык ааста диэн көрөөччүлэр бэйэлэрин санааларын эттилэр. Маны таһынан оскуолабыт биир бастыҥ чаҕылхай бары өттүнэн талааннаах 10 “б” кылаас үөрэнээччитэ Алёна Габышева уонна 11 “а”,”б” кылаас оҕолоро бэйэлэрин баҕаларынан ырыа бэлэхтээннэр күрэхпитин киэргэттилэр. «Сырдык түгэн» ырыа күрэҕин Лилия Алексеевна Афанасьева көмөтүнэн, иилээн – саҕалаан ыыттылар Диана Пшенникова 10 “б”, Ньургуйаана Чердонова 10 “а” кыргыттара. Күрэх түмүгүнэн мөккүөрэ суох Вета Вишнёвая кыайыылааҕынан ааттанна. Бу ырыа күрэҕэ сылын ахсын хатыланан бара турдун. 

Просмотров: 583 | Добавил: school_tokko | Рейтинг: 0.0/0