MENU
Главная » Статьи » К 65-летию Победы

К юбилею Токкинской школы (воспоминания)
Сүбэннэн үлэлиирбит

Мин 1969-70-с сылларга  үөрэх сылыгар Н. Г. Чернышевскай аатынан Бүлүү педучилещатын бутэрэн, Өлүөхумэ оройуонугар ананан кэлбитим. Оччотоо5у РайОНО сэбиэдиссэйэ Токо орто оскуолатыгар анаан ыыппыта.
    Бөhуөлэк өрүс үрдүгэр турарын көрөн баран, олус үөрбүтүм. Оскуола учууталлара үчүгэйдик көрсүбүттэрэ. Ол кэмҥэ кыра кылаастарга улэлииллэрэ: ис киирбэх, аккуратнай ба5айытык таҥнар Александра Егоровна, киhи бастаан толло көрөр Раиса Николаевна, бэhиэлэй ба5айы Александра Ивановна, мичийэ сылдьар Вера Ильинична, кыраhыабай Ксения Прокопьевна, дьоhуннаах Валентина Григорьевна, эдэр Фаина Николаевна, онтон да атыттар.
    Оттон урдуку кылаас учууталлара бары опыттаах, ытыктанар учууталлар этилэр. Өссө  Бүлүү училищетыгар уөрэппит преподавателим Григорий Константинович кэргэнинээн бааллара күүтүллүбэтэх соһуччу үөруу буолбута. Саҥа кэлбит дьону туора көрбөтөхтөрө. Онон оскуола бары учууталлара, техүлэһиттэрэ бэйэ дьонун курдук буолбуттара. Оскуола икки сменанан улэлиирэ. Мин уопсай профсоюзнай мунньа5ы олус сөбүлүүрүм. Туох баар учууталлар мустан ирэ – хоро үлэ, үөрэх, дьиссипилиинэ, инники улэ былаанын кэпсэтэн, субэлэһэн барарбыт. Бэйэтэ бырааһынньык курдук этэ.
    Оскуолабыт директордара Васильев Дмитрий Христофорович, Павлов Михаил Михайлович, Иннокентьев Трофим Николаевич, завучтар Павлина Григорьевна, Спартак Прокопьевич, Валентина Григорьевна олус ирдэбиллээх, ону тэҥэ наһаа үтүө майгылаах дьон этилэр. Кинилэр биир тыллара миэхэ чиҥник иҥэн, ону толорор эрэ туһугар кыһалларым.
        Үлэбэр ситиһиилэннэхпинэ өрүү хай5аан күүс угаллара, сыыһаны көрдөхтөрүнэ холкутук өйдөтөллөрө. Онон администрация уонна коллегаларым миигин улэ5э кыһамньылаах уонна бэриниилээх буоларга ииппиттэрэ. РайОНО методиһа Зоя Петровна олус да учугэй этэ. Өрүү сүбэлиир, үлэлииргэ стимул биэрэр этэ.
    Үөрэтэр о5олорум наһаа үчүгэй этилэр. Аһа5ас уруоктарга актыыбынайдык кыттан, уруок ситиһиилээхтик барарыгар олус көмөлөһөллөрө.Тылбын истэр этилэр. О5олорум бэйэлэрэ ыраах сиргэ сирдээн, походтарга иллээхтик, көхтөөхтүк сылдьарбыт.
    Оттон төрөппүттэрин олус убаастыыбын. Кинилэр эн тускунан хайдах санаалаахтар да, о5олоро оннук сыһыаннаһаллара.
    Нэһилиэк дьоно үчүгэйдик сыһыаннаһаллара. Онон Токобун олус сөбүлээбитим эрэн дойдум буора тардан, 1976 сыллаахха 7 сыл улэлии үөрэнэн опытыран баран барбытым.
    Олорбут ыалларбар аһара табыллыбытым. Кыһал5ата суох учугэй усулуобуйа5а олорбут буолан, улэбэр эрэ кыһалларым. Кинилэргэ махталым улахан.
    Биир умнуллубат тугэнинэн бөһүөлэкпит түөлбэлэргэ арахсан куоталаһыы тэрийэрбит. Мин начальниктыыр түөлбэм күрэххэ бастакы миэстэ ылан турардаах. Түмүк концертпытын олус астына ахтабын. Санаабар оччотоо5у буолар түөлбэлэр концертарыттан ордугу көрө илик курдукпун.
    Манна улэлии сылдьан табаарыһым, коллегам Ксения Прокопьевналыын Магадан пединститутугар экзамен туттаран заочно үөрэнэ киирбиппит. Онон 1978 сыллаахха үрдүк үөрэ5и бутэрбитим. Билиҥҥэ дылы бэйэм үөрэммит В. Г. Павлов аатынан Сунтаар начальнай оскуолатыгар улэлии сылдьабын.
    Бастаан бииргэ улэлээбит сорох табаарыстарым  уонна алтыспыт дьоннорум, бэл үөрэппит о5олорум билигин биһиги кэккэбитигэр суохтар. Кинилэр тустарынан умнуллубат үтүө өйдөбүл хаалбыт.
    Билигин улэлии сылдьар оскуола салалтатын, учууталлары, үөрэнээчилэри, атын бары улэһиттэри, урукку коллегаларбын, үөрэппит о5олорбун оскуолабыт  100 сааһын туоларынан истиҥник, ис сурэхтэн э5эрдэлиибин. Ба5арабын улэ5э, үөрэххэ өссө үрдүк ситиһиилэри, кытаанах доруобуйаны.

Анна Афанасьевна Докторова (Иванова)
педагогическай улэ ветерана, СР үөрэ5ириитин туйгуна,
«Саха – Азия» фондатын стипендиата,
урдук категориялаах, методист учуутал

Категория: К 65-летию Победы | Добавил: school_tokko (19-Янв-2013)
Просмотров: 940 | Комментарии: 1 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]